Football Manager 25 ishte planifikuar të dilte në fillim të shtatorit, me Sports Interactive (SI) që po provon tranzicionin drejt një një game-engine të ri të fuqizuar nga Unity.
Ata fillimisht e shtynë lojën deri në fund të nëntorit, por tani kanë konfirmuar se loja do të vijë zyrtarisht në mars të vitit të ardhshëm. Në të njëjtën kohë, ata kanë ofruar rimbursim për porositë paraprake dhe kanë konfirmuar gjithashtu se zbulimi i gameplay do të bëhet në janar. Ekzistenca e FM 25 u konfirmua zyrtarisht vetëm javën e kaluar, por SI tani ka shpjeguar se ata nuk mendojnë se mund të lëshojnë një produkt të pranueshëm brenda kornizës kohore aktuale. Mbetet ende për t’u parë se si ky vendim do të ndikojë në FM26, pasi kjo ishte një lojë që përditësohej çdo vit në pothuajse të njejtën datë.
Në një deklaratë, SI shkroi: “Pas shqyrtimit të kujdesshëm, Sports Interactive ka marrë vendimin e vështirë për të vonuar më tej lëshimin e Football Manager 25.”
“Pas diskutimeve me SEGA-n, licencuesit dhe partnerët tanë, ne kemi rënë dakord se mënyra më e mirë e veprimit është shtyrja e lançimit deri në mars 2025. Datat specifike të lëshimit të platformës do të pasojnë pasi të konfirmohen. Në përditësimin tonë të fundit të zhvillimit në shtator, ne shpjeguam se duhej të shtynim versionin origjinal të FM25 për t’i dhënë vetes më shumë kohë për të ofruar përvojën më të mirë të mundshme për këtë këst të parë në një epokë të re të Football Manager.”
Kjo shënon një periudhë katastrofike në historinë e SI pasi ata synojnë të riparojnë FM dhe janë detyruar dy herë të vonojnë prezantimin më të pritur në historinë e lojës. Ata që duan të luajnë rolin e një trajneri virtual do të duhet të përdorin FM24 tani për tani.
