Ndoshta ju keni dëshirë të shpenzoni çdo orë të ditës duke luajtur video-lojra, mirëpo trupi juaj ka nevojë për gjumë. Ju mund të bëni një pushim të shkurtër duke qëndruar ulur në karrigen tuaj (dhe të vuani nga dhimbjet e shpinës) ose të ngriheni për t’u shtrirë në krevat.
Mirëpo ekziston dhe një opsion i tretë: të përdorni këtë shtrat të motorizuar për të luajtur lojra dhe për të fjetur. Ai është krijuar nga kompania japoneze Bauhutte, e cila dhe pse jo aq e famshme sa Herman Miller apo Ikea, është e fokusuar në krijimin e aparaturave që do t’ju bëjnë të qëndroni tërë ditën para kompjuterit.
Nëse ju keni disa para ekstra, ju mund të kompletoni një ekosistem të plotë Bauhutte, që vendos të gjitha gjërat që nga një mini frigorifer pranë krevatit të rehatshëm gaming. Bauhutte Electric Gaming Bed duke si një nga krevatet që përdoren për të moshuarit që rregullojnë pozicionimin e tyre përmes shtypjes së një butoni.
Mirëpo EGB vjen në treg për të gjithë gamers-at që janë në kulmin e karrierës së tyre dhe kanë nevojë të shkëputen sa më pak nga kompjuteri i tyre ndërkohë që flenë gjumë, për t’u rikthyer menjëherë aty ku e lanë.
Dy mekanizmat e përfshirë bëjnë të mundur ngritjen e pjesës së sipërme deri në një kënd 60 gradë, ndërkohë që pjesa mbështetëse për këmbët mund të ngrihet deri në 35 gradë.
