Nisi si një shaka por tani është gjithçka realitet. Gjatë qershorit rrjeti i restoranteve KFC ngacmoi rrjetin me postime për një konsole të vetën, ndikuar nga ethet e konsoleve tashmë të dala në treg Xbox Series X dhe PlayStation 5. Askush nuk e mori seriozisht pasi koncepti i KFC përfshinte edhe një ngrohës për ushqimin.
Epo vetëm disa muaj pas asaj “shakaje” kompania ka prezantuar një produkt konkret. Në bashkëpunim me Cooler Master, një kompani prodhimi pjesësh kompiuterike, kanë sjellë një konsole i cili përveçse premton të sjellë output grafikash 4K në 240fps do të ngrohë edhe pulën e pjekur.
Duke qenë se kripa nuk u mungon ata e kanë prezantuar këtë projekt si niveli i radhës i inovacionit të videolojrave. KFConsole do të përdorë nxehjen natyrale që kjo konsole prodhon për të mbajtur ngrohtë atë që do të konsumosh midis raundeve. Keshtu tmerri i ftohjes së ushqimit do te jetë një kujtim i së shkuarës. Asnjë detaj mbi specifikat e proçesimit, të daljes në treg apo menaxhimin e vajrave e yndyrave që pajisja do të mbledhë.
Sistemi operativ me shumë mundësi do të jetë një gaming PC me një furrë në të. Presim me ankth daljen e tij në treg.
