Sezoni 9 i Call of Duty Mobile është vetëm pak ditë larg, dhe sipas raporteve do të sjellë goxha gjëra të reja.
Së pari më në fund do të vijë aftësia për të modifikuar armët, lojtarët do të kenë mundësi të ndërhyjnë në pafund mënyra, nga karikatorët me 90 raunde deri tek dylbitë 6x së bashku me shumë ndryshime të tjera. Ka pasur zëra për skin të reja dhe një sistem camo nga Call of Duty Black Ops 4 e shumë më tepër.
Por për një audiencë gamerash të cilët e përpijë fare shpejtë lojën, hartat e reja janë më se të domosdoshme ndaj CoDM nuk zhgënjen.
Shipment 1944
Emri i hartës na jep idenë se në cilën periudhë do të zhvillohet sezoni i ardhshëm. Kjo do të jetë një hartë e distancës së shkurtër, lufta duhet të fillojë menjëherë, është një hartë e cila stimulon lojën e nxituar dhe reagimin në kohë rekord.
Pine
Një tjetër hartë 2v2 në mes të pyllit, kjo është në fakt një hartë trainimi për Modern Warfare, në lindje është zona e zjarrit në perëndim është bunkeri. Përveç pemëve të larta nëpër hartë ndodhen kontenierë dhe helikopterë të prishur.
Terminal
Askush nuk do të të pyesë për pashaportë në këtë aeroport, askush nuk ka kohë. Kjo është një hartë e përmasave të mesme nëpër të ka aeroplane të ndalur në vend a thua se ndonjë pandemi ka kapluar vendin. Avionët mund të aksesohen dhe ka disa cepa nga ku mund të përfitojnë sniperët ama AR dhe SMG janë armët më të këshilluara këtu.
