Janë disa faktorët që ndikojnë në sasinë e konsolave PS5 të Sony që gjenden në stok, dhe ne do t’i shpjegojmë të gjitha. Lajmi se muaji prill do të jetë muaji i rikthimit të konsolave në treg nuk duket shumë i besueshëm, megjithatë koha do të na tregojë.
Pse ka kaq pak PS5 në qarkullim?
Pengesat për PS5 filluan me pandeminë
Sony shtyu prezantimin e PlayStation 5 për disa muaj gjatë gjysmës së parë të 2020. Me shumë mundësi kjo shtyrje u bë për shkak mungesës së proçesorit gjysëmkonduktor e cila u bë më e theksuar me fillimin e pandemisë. Por ky nuk është problemi i vetëm.
Dëmi kolateral i shkaktuar nga punimi në shtëpi
Zhvendosja nga zyrat qendrore në një situatë të punimit nga shtëpia rriti kërkesën në kompjutera dhe webcams, bashkë me pajisje si proçesori gjysëmkonduktor për të cilat PS5 ka nevojë. Për momentin prodhuesit e kanë zhvendosur të gjithë vëmendjen e tyre në shitjen e kompjuterave.
Rishitësit po shkaktojnë një dëm të madh
Rishitësit kanë një pjesë madhore të fajit për mosgjetjen e PS5 në treg. Këta rishitës janë të aftë të blejnë të gjitha pajisjet sa herë që ka një furnizim të ri nëpërmjet bots, dhe më pas i shesin me çmim dyfish deri në $1,000.
Mashtruesit gjenden gjithandej
Akoma më keq se rishitësit janë mashtruesit, të cilët i targetojnë “viktimat” e tyre nëpërmjet Twitter ose Facebook. Mashtruesit i premtojnë blerësve që do t’i sigurojnë një pajisje për $550 dhe pasi marrin pagesën, sigurisht nuk dorëzojnë asnjë produkt.
Cryptominers janë shndërruar në problem
Mund të jetë më fitimprurëse të blesh Bitcoin në momentin që vlera e saj bie dhe ta shesësh në momentin që ajo ringrihet, sesa të kërkosh për të. Megjithatë kjo nuk ka ndaluar persona të ndryshëm për të blerë GPU, në mënyrë që të kërkojnë 24 orë për Bitcoin, duke rritur shumë kërkesën për keto GPU.
Rikthimi në shitje i PS5 duket i vështirë për muajin prill
Best Buy, i cili siguronte pajisje çdo javë prej disa kohësh, këtë javë nuk arriti t’i gjente ato. Ky është një sinjal i fortë që tregon se deri sa problemi i mungesës së proçesorëve gjysëmkonduktor të zgjidhet, konsolat PS5 do të jenë gjithnjë e më të vështira për t’u gjetur.
