Duke u përpjekur të bëhet një GTA e dytë Cyberpunk 2077 tregon dita ditës nivelin e lartë të detajimit jo vetëm në histori por edhe në botën e saj.
Gjatë videossë tretë live nga seria Night City Wire, detajet më të fundit të zbuluara nga CD Projekt Red tregojnë bandat me të cilat lojtarët do të përballen në Cyberpunk si dhe parametrat e nevojshme për PC.
Video nisi me një tur të hartës së Night City dhe lokacionet në të, një night club, një studio regjistrimi, dhe një vend për të pastrehët dhe plot detaje të tjera që e tregojnë mjaft divers.
Banda e parë e prezantuar është Maelstrom, e cila është një grup mjaft i dhunshëm i përbërë nga makineritë dhe njerzit. Një tjetër bandë quhet Valentinos, të ndershëm por me ndëshkime gati për çdo rast.
Sixth Street janë kundërshtarët e Valentinos. Voodoo Boys konsiderohen si një legjendë urbane por të gjithë i kanë frikë. The Animals përshkruhen si më të çmendurit, zakonisht punësohen si muskuj për këdo që ka nevojë.
Tiger Claws operojnë në tregun e zi dhe mbeten diskret. The Moxs janë një bandë vetëm me femra të cilat shqetësohen për komunitetin dhe solidaritetin. Njejtë edhe Nomads.
Ndërsa The Aldecados shqetësohen për familjen.
Sipas CD Projekt Red bandat qeverisin Night City dhe kanë armatimet dhe pushtetin më të madh në qytet. Lojtarët do t’i ndeshin nëpër qytet, mund t’i punësojnë por s’mund të bashkohen me ta.
Për ta luajtur në PC këtë lojë kaq shumë të pritur, në Windows 10 apo 7 64-bit do të të duhet të kesh DirectX 12 dhe një CPU të paktën Intel Core i5-3570K apo AMD FX-8310 ose më lartë. Për memorie duhen të paktën 8GB RAM dhe Nvidia GeForce GTX780 3GB ose AMD Radeon RX470.
