September 22, 2020

Xbox Series S do të jetë i lirë por a ia vlen?

Vlerëso këtë lajm
(2 votes)
Xbox Series S do të jetë i lirë por a ia vlen?

Microsoft na ka zbuluar prej kohësh gjithçka duhet të dimë për konsolen e gjeneratës së ardhshme, Xbox Series X, e ndër të tjera na bëri me dije se një version më modest do të vijë gjithashtu nën emrin Series S për të cilin nuk dihej asgjë deri para pak kohësh ku një leak na zbuloi çmimin.
Nuk vonoi shumë dhe vetë Microsoft e konfirmoi më në fund. Xboxi më i vogël ndonjëherë do të kushtojë $299.

 

Por më shumë sesa çmimi ajo që na intereson është padyshim çfarë është i aftë të bëjë ky aparat, tek e fundit Microsoft thotë se të dyja konsolet do të kenë performanca gati të njëjta. Me atë diferencë çmimi Microsoft, vështirë ta besojmë.
Një tjetër video e bërë leak sqaron më në fund dyshimet tona dhe gjithçka bën sens.

 

 

Xbox Series S do të jetë një version vetëm digjital pa disqe, lëvizje e ndjekur edhe nga PS5, por ajo që na shqetëson është në fakt SSD-ja e konsoles e cila sipas videos do ë jetë 512GB.

Një pjesë të madhe të kësaj hapsire do të zihet nga sistemi operativ. Gjithashtu lojrat e gjeneratës së re pritet që në raport me cilësinë të rrisin edhe hapësirën që kërkojnë të disponueshme, ndaj parashikohet shumë pak vend për lojra. Mendo vetëm GTA V është 45GB, në total nuk do të mund të shkarkosh më shumë se 10 lojra në këtë konsole. E nëse do të shkarkosh diçka tjetër lojrat e shkarkuara dhe paguara më parë nuk i ke në disqe që t'i ruash.

Zgjidhja nga Microsoft vjen në formën e platformës Project xCloud e cila lejon të luash streaming pa qenë nevoja të shkarkosh, nga një katalog prej më shumë se 100 titujsh.
Por sigurisht për këtë shërbim duhet të paguash një abonim të caktuar.

Kështuqë në këto kushte a ia vlen vërtetë të blesh Xbox Series S? A është vërtetë më i lirë?

Sigurisht mbetemi ende në rrethin e spekulimit, asgjë zyrtare nuk është konfirmuar. 

Tuesday, 08 September 2020 17:02 Last modified on Tuesday, 08 September 2020 17:23

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo