Një postues anonim ka publikuar në 4chan një sasi kolosale materialesh, source code dhe dokumente të brendshme nga Nintendo.
Ku përfshihen materialet bërthamë të shumë lojrave të famshme nga vitet 90 të Nintendo 64 dhe SNES, totalisht autentike.

Super Mario 64, Mario Kart 64, The Legend of Zelda: Ocarina of Time, Star Fox 1 dhe 2, Yoshi's Island, Mario Kart, F-Zero dhe The legend of Zelda: A Link to the Past janë disa nga titujt kodi i të cilave është bërë leak, së bashku me to edhe strumente zhvillimi e shumë materiale të tjera të dobishme.

Këto imazhe dhe rendera të hartuar kanë gëzuar gjithë komunitetin e fansave të Nintendos, të cilët janë çmendur nëpër rrjete sociale. Këto rrjedhje do t'i shërbejnë veçanërisht komunitetit ROM Hacking e zhvilluesve që zakonisht u duhet disku i plotë për të bërë punën e tyre. Edhe komuniteti i emulatorëve duhet të përfitojë mjaft, ndryshime në lojë por edhe versione falas pritet të dalin në qarkullim tani që zhvillues të pavarur do të kenë më në fund këto informacione e imazhe kaq specifike.

Të paktën 2 terabyte raportohet të jenë bërë leak, goxha moment ky, humbje për Nintendon qartësisht, por për komunitetin kurrsesi.