Bota duket se u emocionua nga dalja e PS5, por le të themi që është gati për një valë të dyte ethesh me trailerin e ri të sapo lançuar; Crash Bandicoot 4.

Më shumë se 20 vjet pas lojës origjinale të 1998, Crash Bandicoot: Warped, PS4 dhe Xbox One do të kenë një version të denjë të lojës më 2 tetor.
Loja e kap historinë pikërisht aty ku e la, tek mposhtja e Neo Cortex, Dr. N Tropy dhe Uka Uka të cilët i la të humbur në një planet. Kjo seri fillon me arratisjen e treshes.
Tamam si tek loja origjinale duket se përsëri do të rrotullohemi e do kërcejmë mes armiqve, sipër humnerave të pafundme dhe do mbledhim frutat Wumpa.
Por ka edhe aspekte të reja si vrapi, lëkondja me litar, rrëshkitja në hekura dhe Maska Quantum e cila lejon të vraposh në tavan ose të ngrish kohën.

Fansave të  vërtetë të Crash u është dashur të presin shumë kohë për një moment të tillë, gjatë viteve ka pasur alternativa nga më të ndryshmet, deri tek go kart e me radhë por asnjëra nuk arriti të kapte shpirtin e parë të lojës.
Duket se kësaj radhe më në fund kemi goditur në shenjë.