June 25, 2022

Hileqarët në Call of Duty po dënohen me mospërdorimin e armëve

Hileqarët në Call of Duty po dënohen me mospërdorimin e armëve

Sigurisht që në Call of Duty ka shumë lojtarë që përpiqen të bëjnë hile, por ekipi i Activision, Ricochet, gjithmonë zhvillon mjete të reja të cilat do të ndalojnë këto persona të përfitojnë nga aftësitë e kompjuterit.

Tashmë Ricochet ka implementuar një tjetër masë anti-hile si pjesë e “mitigation toolbox” që vjedh armët e hileqarëve nga duart e tyre, madje nuk i lejon ato as që të godasin me grushte.

Ricochet – një grup i përbërë nga inxhinierët e sigurisë, lojës dhe të serverit – publikoi një postim të ri në blogun Anti Cheat Progress Report. Grupi shpjegoi se të merresh me hileqarët është e njejtë si të merresh me viruset, një zgjidhje mund të funksionojë, por ajo është thjeshtë e përkohshme dhe shpesh herë atyre iu duhet të adoptojnë masa të tjera bllokuese.

Ne do të prezantojmë nga sot një teknikë të re bllokuese të cilën e quajmë 'Disarm' ” shkruhet në blog.

Nga vetë emri ne mund të kuptojmë mjaft mirë se çfarë ndodh. Kur një hileqar zbulohet nga sistemi në Vanguard apo Warzone, sistemi anti-hile i Ricochet “thjesht do të vjedhë armët e tyre (së bashku me grushtet).” Ricochet tha se ato nuk presin të shikojnë shumë klipe online rreth këtij sistemi, por e kanë parë këtë sistem në veprim dhe janë argëtuar nga reagimet e hileqarëve.

Wednesday, 22 June 2022 09:22 Last modified on Wednesday, 22 June 2022 09:27

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo

 

 

Geek Room © 2019