PS5 është akoma e vështirë për t’u gjetur në treg pasi mungesa e proçesorëve gjysëmkonduktor vazhdon të jetë një problem. PlayStation tashmë ka një plan të ri për të mbushur vendin e lënë bosh në treg nga PS5 me më tepër konsola PS4.
Pas një raportimi nga Bloomberg News, u bë e ditur se “njerëz të afërt me çështjen” kanë konfirmuar se planet e Sony për ndalimin e prodhimit të konsolave PS4 në 2021 janë shtyrë për në fundin e vitit 2022, pasi kompania kërkon të prodhojë dhe një milionë PS4 të tjera që përdorin një proçesor më pak të avancuar që gjendet lehtësisht.
Sipas raportimeve financiar, PlayStation shiti 1.7 milionë njësi në 9 muajt e parë të 2021, krahasuar me 8.9 milionë njësitë e shitura të PS5 gjatë të njejtës periudhë kohore.
Sony nuk e ka pranuar asnjëherë se ka konsideruar ndalimin e prodhimit të konsolave PS4. “Kjo është një ndër pajisjet tona më të shitura ndonjëherë, dhe do të ketë gjithnjë një përdorim të vazhduar midis dy gjeneratave.” PS3 vazhdoi të prodhohej deri në 2017, 3 vite pas prezantimit të PS4. Kjo gjë tregon se konsolat e vjetra mund të vazhdojnë të shiten disa vite më vonë pas prezantimit të produkteve të reja.
Megjithatë situata ishte më ndryshe me PS5, pasi Sony dëshironte që njerëzit të kalonin sa më shpejt në PS5. Sistemi i ri ofron luajtjen e pothuajse të gjitha lojrave nga sistemi i vjetër, gjë e cila nuk ka qenë e pranishme në konsolat e tjera.
