January 29, 2022

CD Projekt arrin një marrëveshje në betejën gjyqësore të Cyberpunk 2077, do të paguajë $1.85 milionë

CD Projekt arrin një marrëveshje në betejën gjyqësore të Cyberpunk 2077, do të paguajë $1.85 milionë

Gjatë vitit të kaluar, një grup investitorësh hapën një betejë gjyqësore kundër CD Projekt mbi lançimin “katastrofë” të Cyberpunk 2077, me akuzat se “loja ishte virtualisht e paluajtshme në gjeneratat e tanishme Xbox apo PlayStation për shkak të bugs të shumta”.

Ato kërkonin që Microsoft dhe CD Project të detyrohen të rimbursojnë të gjithë dëmet e bëra nga ky lançim. Në këtë betejë gjyqësore tregohet gjithashtu se investitorët vuajtën nga këto dëmtime.

12 muaj më vonë të dyja palët arritën një marrëveshje, gjë që u bë e ditur nga një deklaratë e CDPR.

Një propozim ku përshkruhen termat kryesorë u formulua në datë 7 dhjetor 2021, të cilat nëse pranohen, do të ofrojnë bazat e një marrëveshjeje të shkruar midis dy palëve. Sipas këtyre termave, pala akuzuese duhet të hedhë poshtë të gjitha pretendimet kundër kompanisë dhe anëtarëve të bordit. Gjithashtu, një marrëveshje me shifrën $1.85 milionë do të paguhet nga kompania dhe kompania siguruese Colonnade Insurance S.A.

Më pas CDPR tregon një listë me arsyet e ofrimit të kësaj marrëveshjeje, ku cilësohen maksimalisht “kohëzgjatja dhe kostot e lidhura me proçeset gjyqësore në vazhdim”.

Duhet të theksojmë se kjo betejë gjyqsore nuk u bë në emër të përdoruesve që kishin blerë lojën në PS4 /Xbox One, por vetëm nga dhe për investitorët.

Saturday, 18 December 2021 09:46

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
info@geekroom.al, marketing@geekroom.al

Editorial Staff:
Brenton Bënja
Bekim Haveriku 
Xhonald Mamo
Kristian Hodo
Klementina Mema

 

 

Geek Room © 2019