Pothuajse 2 muaj më parë Phil Spencer, CEO i Xbox, u shfaq në një transmetim live të Microsoft dhe pas tij ishte rafti i “famshëm”, përmes të cilit ai ka transmetuar disa mesazhe sekrete në të shkuarën. Me sa duket dhe kësaj here ai e përdori atë për të lajmëruar publikun rreth një bashkëpunimi të mundshëm me Nintendo.

2 nga objektet që u vunë re më së shumti nga ky raft ishin një figurë e Kojima Productions Ludens dhe një Nintendo Switch. Fillimisht ne nuk kishim akoma asnjë të dhënë nëse bashkëpunimi mes dy kompanive po diskutohej, por me kalimin e kohës njerëzit filluan të flasin gjithnjë e më shumë rreth kësaj çështje.

Në një podcast gazetari Jeff Grub nënvizoi se çdo gjë e vendosur në atë raft kishte një kuptim, duke përfshirë dhe Nintendo Switch. Dhe një leaker i njohur Shpeshal Ed postoi një tweet ku thonte se sekreti rreth Nintendo dhe Xbox nuk është më një sekret dhe se më shumë informacione do të vijnë gjatë vjeshtës.

Mirëpo bashkëpunimi midis Xbox dhe Nintendo nuk dihet akoma se cili do të jetë. Mund të kemi një Xbox Pass në Switch, Master Chief në Super Smash Bros ose një hibrid Xbox-Nintendo të quajtur Xbox Series N.