Gjatë sezonit të fundit ne të gjithë pamë se si Fortnite eleminoi shërbimin më ikonik të lojës, atë të ndërtimit. Dhe tani zhvilluesi Epic ka vendosur që ta bëjë këtë ndryshim një pjesë të përhershme të lojës përmes prezantimit të modalitetit të ri Zero Build.
Siç mund të kuptohet dhe nga vetë emri, ky modalitet është i fokusuar vetëm në luftimin e drejtpërdrejtë ku lojtarët nuk mund të mbledhin resurse dhe të ndërtojnë struktura për të mbrojtur veten e tyre. Për të zëvëndësuar këtë gjë, Fortnite ka prezantuar një mburojë të re dhe opsione të tjera lëvizshmërie, duke ofruar një eksperiencë lëvizjeje më të shpejtë.
Zero Build mund të luhet vetëm, në bashkëpunim me 2, 3 persona apo në skuadër. Ky modalitet i bashkohet listës që po zgjerohet vazhdimisht ku përfshihen dhe modalitetet Creative, Impostors dhe Party Royale.
Ekzistenca e një modaliteti të veçantë ku lojtarët nuk janë në gjendje të ndërtojnë lë të kuptohet se së shpejti shërbimi i ndërtimit do të rikthehet në lojë, mirëpo kjo gjë do të ofrohet në një modalitet tjetër.
Nëse dëshironi të shikoni të gjithë listën e ndryshimeve të bëra në Fortnite, si lançuesi i raketave Anvil, klikoni këtu.
