YouTuber-i më i njohur në botë do të bashkëpunojë me Fortnite në dhurimin e $1 milionë drejt personave me fat.
Jimmy Donaldson, ose ndryshe MrBeast, ka vendosur të bashkëpunojë me Fortnite për të sjellë një sfidë që nuk është parë kurrë më parë. Fortnite do të organizojë një sfidë të titulluar “MrBeast’s Extreme Survival Challenge”, fituesi i së cilës do të marrë me vete çmimin prej $1 milion.
Sfida do të fillojë në datën 17 dhjetor dhe do të gjendet në seksionin “Fortnite competitive” të lojës. Me aq sa është kuptuar ju mund të riluani këto sfida për sa kohë të dëshironi nga ora 18:00 deri në 21:00 për të vendosur një high score të re.
Megjithatë ju do të keni nevojë të stërviteni disi, prandaj Fortnite do të zhbllokojë mundësinë për të testuar hartën e re. Për të marrë pjesë në këtë sfidë, anëtarët duhet të kenë aktivizuar two-factor authentication dhe të kenë arritur nivelin 15.
Loja do të dhurojë dhe disa “dhurata ngushëlluese” për shumicën e personave që nuk do të arrijnë të fitojnë $1 milionë, si përshembull një çadër “MrBeast”, një skin të ri dhe pajisje të tjera in-game.
