Electronic Arts dhe Marvel Entertainment do të bashkëpunojnë për të prodhuar disa heronj në FIFA Ultimate Team, të cilat do të jenë të aksesueshme në FIFA 23. Park Ji-Sung, Yaya Toured he Landon Donovan do të jenë disa nga lojtarët e përfshirë, me imazhet e secilit që po krijohen aktualisht nga artistët e Marvel.
Secili prej heronjve do të ketë një artikull të veçantë të ilustruar FUT në fillimin e modalitetit të lojës World Cup, por versionet bazë të secilës kartë do të jenë të disponueshme që në prezantimin e FIFA 23. Gjithashtu, shumë artikuj të rinj do të përfshihen në lojë si pjesë e këtij bashkëpunimi.
Të gjithë personat që do të porosisin EA Sports FIFA 23 Ultimate Edition deri në datën 21 gusht, do të fitojnë një artikull FIFA World Cup me kohë të limituar.
Donovan do të shfaqet në lojë me emrin e ri The Brave, Park Ji-Sung me emrin TigerHeart dhe Yaya Toure do të njihet si The Citadel. Si pjesë e bashkëpunimit do të jetë i pranishëm dhe mbrojtësi Ricardo Carvalho (The Anticipator) dhe ish mesfushori i Juventus, Claudio Marchisio (Il Principino).
4 lojtarë të tjerë janë shtuar që nga ajo kohë: Diego Forlan si Sunstrike, i cili do të vijë me ish mbrojtësin brazilian Lucio, të njohur si Thunder.
Dhe ish yjet e Barcelonës, Rafa Maruqes dhe Javier Mascherano janë të përfshirë me emrat El Kaiser dhe Octob-Boss respektivisht. Me kalimin e kohës do të prezantohen dhe disa lojtarë të tjerë si Peter Crouch (The Robot), Thomas Brolin (Tornado), Harry Kewell (Wizard of Aus), Sidney Govou (The Lion of Lyon), Jean-Pierre Papin (The Acrobat), Dirk Kuyt (Energizer), Jay-Jay Okocha (Double Take), Hidetoshi Nakata (Stealth Agent), Rudi Voller (The Flying German) e shumë personazhe të tjerë.
