Komuniteti i gamer-save e riprovon veten si një vend i mbushur me dashuri, mbështetje dhe shqetësim për shoqërinë teksa nisur nga besnikëria ndaj një loje i vjen në ndihmë vendit real nga është frymëzuar ajo.
Ishiulli i Tsushimës u godit nga një tajfun vitin e shkuar, duke dëmtuar rëndë infrastrukturën dhe sidomos portën legjendare Tori. Dëmtimet janë serioze dhe që prej fatkeqësisë ajo dergjet pa ndonjë shpresë të qartë nga qeveria për restaurim. Por për fat të mirë një fushatë në Camp-Fire mori shumë vëmendje nga komuniteti i lojtarëve digjitalë të cilët e kanë kaluar me 500% shifrën e parë të synuar.
Nëpërmjet donacioneve dhe promovimit, ata arritën të mbledhin plot $500,000 të cilat do të shkojnë në buxhetin e nevojshëm për të rimëkëmbur jo vetëm portën e vjetër por edhe infrastrukturën e Tsushimës.
Edhe kjo ngjarje është qartazi një tregues i suksesit që Ghost of Tsushima, loja ekskluzive e PlayStation ka asrritur. Me 5 milion kopje të shitura nga dalja në treg, Sony deklaron se ajo është loja e tyre e shitur më shpejtë.
