Në korrik të këtij viti, 3 prindër diskutuan me një gjyqtar të Gjykatës Supreme të Kanadasë dhe sqaruan se fëmijët e tyre kishin krijuar një varësi shumë të fortë ndaj lojës Fortnite, dhe për këtë arsye kishin vendosur të padisnin krijuesin e kësaj loje, Epic Games.
Prindërit raportuan se fëmijët e tyre kishin ndaluar së ngrëni, së fjeturi, madje nuk kishin bërë as një dush për shkak se ishin gjatë gjithë kohës duke luajtur Fortnite. “Gjykata arrin në përfundimin se kjo është një çështje serioze dhe duhet të diskutohet, e mbështetur në akuzat për ekzistencën e rreziqeve të mëdha që vijnë nga përdorimi i Fortnite,” tha gjyqtari Sylvian Lussier.
“Vendimi jonë për të paditur këtë kompani mori inspirim nga çështjet e mëparshme që i përkasin përdorimit të duhanit.” tha avokatja Alessandra Esposito. Komentet e saja u mbështetën dhe nga Lussier i cili shtoi se “efekti i dëmshëm i duhanit nuk u njoh gjatë një periudhe të shkurtër.”
Megjithatë gjykata nuk ishte dakord me pretendimet e prindërve se Epic Games e bëri Fortnite më tërheqës me paramendim. Gjithashtu Epic Games u kundërpërgjigj menjëherë ndaj këtyre akuzave.
“Prindërit mund të kërkojnë për raportime të kohës që fëmijët e tyre shpenzojnë duke luajtur Fortnite gjatë një jave, madje të kërkojnë dhe leje para kryerjes së blerjeve. Ne besojmë se provat do të tregojnë se ky akuzim është i gabuar.”
