Eminem do të performojë së shpejti në eventin Big Bang në Fortnite

Epic Games ka konfirmuar se reperi Eminem do të performojë në Fortnite në eventin Big Bang dhe se lojtarët mund të blejnë skin për t’u bërë vetë Slim Shady.

Në një përditësim në faqjen e prezantimit të eventit Big Bang, Fortnite zbuloi pamjet e para të këtyre skins, dhe Epic konfirmoi se ato do të jenë të disponueshme më 27 nëntor. Tre skins të ndryshme do të jenë të disponueshme: Rap Boy, i cili rikrijon personazhin superhero të Eminem nga videoklipi “Without Me“; Marshall Never More, e cila e sheh reperin të veshur me kostum formal; dhe Slim Shady, e cila është ndoshta veshja më e përafërt me ditët e mira të vjetra të Eminem pas publikimit të albumeve Slim Shady dhe Marshall Mathers.

Ata që zotërojnë skin të Marshall Never More dhe ndjekin eventin e Big Bang më 2 dhjetor do të zhbllokojnë gjithashtu një variant të quajtur Marshall Magma, që i kthen sytë në të zi dhe të verdhë reperit dhe i shton disa shenja të kuqe të nxehta në veshjen e tij.

Ky bashkëpunim i fundit mund të jetë shumë i ngjashëm me performancën e Travis Scott të mbajtur në Fortnite në vitin 2020, ku morën pjesë më shumë se 12 milionë njerëz. Shfaqja e Eminem mund të tërheqë edhe më shumë shikues, duke pasur parasysh popullaritetin e këtij versioni të Fortnite OG.