Gjatë zhvillimit të Cyberpunk 2077, Elon Musk iu lut zhvilluesit CD Projekt Red që të ishte pjesë e lojës duke ndërprerë seancat e regjistrimit të ish të dashurës Grimes (dhe nënës së të paktën tre prej të paktën 11 fëmijëve të Musk) me një armë 200 vjeçare në dorë, siç bëhet e ditur nga biografia e re e Walter Isaac, Elon Musk.
Grimes po regjistronte zërin e karakterit Lizzy Wizzy, përpara se Musk “të shfaqej në studio duke mbajtur një armë dyqind vjeçare“.
“Djemtë e studios ishin duke djersitur,” tregoi Grimes për Isaacson. Sidoqoftë, në fund të fundit, CD Projekt Red e shpërbleu Musk me një paraqitje të vogël. “Unë u thashë atyre se isha i armatosur, por jo i rrezikshëm,” tregoi Musk kur u pyet rreth incidentit. Biografia sugjeron që Musk u fiksua me Cyberpunk pjesërisht sepse implantet e përfshira në këtë lojë i kujtonin atij kompaninë Neuralink, e cila është e dedikuar për zhvillimin e ndërfaqeve tru-kompjuter (dhe tani ka nisur kërkimin për pacientët e parë), dhe pjesërisht sepse ai mendonte se loja dukej “si e ardhmja”.
Ndërsa diskutonte dizenjimet e para për Tesla Cybertruck para se makina të prezantohej në 2019, Musk referonte vazhdimisht trailerin e Cyberpunk 2077, si dhe “makinën nga videoloja Halo” dhe Blade Runner (1982).
“Djali i tij Saxon […] kishte bërë kohët e fundit një pyetje të çuditshme që bëri jehonë: ‘Pse e ardhmja nuk duket si e ardhmja?’”, shkruan Isaacson. “Musk e përsëriste shpesh herë pyetjen e Saxon.”
