Zhvilluesi i Cyberpunk 2077, CD Projekt Red sapo i ka siguruar investitorët dhe përdoruesit gjatë mbledhjes së fundit se update-i i shtyrë i gjeneratës së re do të jetë gati gjatë 3 mujorit të parë të 2022. CDPR fillimisht kishte llogaritur që data e prezantimit të këtij projekti të ishte në shtator të këtij viti, mirëpo në muajin tetor treguan se update-i do të shtyhej për vitin tjetër.
Cyberpunk 2077 regjistroi një lançim mjaft të vështirë, pasi loja kishte shumë probleme. Mirëpo tashmë loja ka arritur të shndërrohet në një nga më të shitura në Steam gjatë javës së kaluar (aktualisht loja është në ofertë me 50% ulje dhe në dyqanet e PlayStation dhe Xbox).
Dhe update-i i vonuar i The Witcher 3: Wild Hunt pritet të prezantohet gjatë 3 mujorit të 2-të të 2022, tha CDPR. Këto update do të vijnë falas për të gjithë personat që e kanë blerë njëherë lojën.
