Fansat e Diablo IV arritën të testonin lojën më të re RPG të Blizzard gjatë fundjavës Early Acces Beta. Ky akses ishte e limituar vetëm për personat të cilët e kishin porositur më parë këtë lojë. Të gjithë fansat e tjerë do të duhet të presin për këtë fundjavë, pasi do të lançohet Open Beta.
Gjatë testimit të javës së kaluar u shfaqën shumë nga shërbimet e reja mjaft tërheqëse të cilat do t’i shikojmë së shpejti në Diablo IV, mirëpo për fat të keq duhet të mbajmë mend historinë që Blizzard ka me problemet në lançimin e lojrave të mëdha. Një gjë e tillë ndodhi dhe gjatë lançimit të Diablo III apo Overwatch 2.
Diablo IV i shfaqi problemet menjëherë, me vështirësi në lidhje, rradhët e gjata të pritjes si dhe probleme të tjera të cilat e bënin lojën virtualisht të paluajtshme në 24 orët e para.
Me sa duket, dhe pse janë bërë përmirësime për të mundësuar një eksperiencë më të mirë, lojtarët duhet të përgatiten të presin për një kohë të gjatë në rradhë para se të nisin të testojnë lojën e re.
“Kur ne të hapim portat sërsiht ditën e premte për të gjithë fansat, ne presim që të ketë një fluks të madh,” tha menaxheri i komunitetit Adam Fletcher. “Mund të ketë rradha të gjatë pritjeje, sidomos gjatë ditës së premte gjatë lançimit si dhe gjatë orareve të caktuara.”
“Ndërkohë që ne monitorojmë pjesëmarrjen dhe mundohemi të zgjidhim problemet e mundshme, mund të ketë disa raste ku do të detyrohemi të fikim serverat e lojës për të bërë rregullime në infrastrukturë.”
