E enjtja në mbrëmje ka shënuar rindezjen e gjakrave midis Epic Games dhe Apple. Kompania e lojës më të famshme në bote duket se ka vendosur të proçesojë pagesat e përdoruesve në sistemin e saj duke anashkaluar App Store dhe për rrjedhojë edhe 30% që Apple mban.
Ky veprim është pikasur brenda pak minutash nga zhvilluesit e Apple të cilët me arsyetimin se Epic Games ka thyer rregulloren, kanë larguar menjëherë aplikacionin nga store. Ndërkohë mësohet se i njëjti veprim është bërë edhe në Play Store por aty Fortnite po qëndron ende.
Me të ndryshuar mënyrën e pagesës, çmimi për 1,000 V-bucks ka shkuar në $7.99 nga $10 qe ishte pak orë më parë. Sipas Epic Games kjo i vjen në ndihmë xhepit të lojtarëve dhe jo kompanisë pasi ajo ka ulur përqindjen që Apple dhe Google i kërkojnë për pagesat përmes tyre.
Update (22:15) – Epic Games sapo hodhi në gjyq Apple
Në Gjykatën e Distriktit Verior të Kalifornisë, Epic Games sapo ka regjistruar një akuzë prej 65 faqesh për monopolizim të aplikacioneve në mobile kundër Apple. Mesaduket veprimi që bëri sonte ishte i menduar mirë dhe gjatë. Beteja sapo ka nisur dhe Apple është deri tani në anën e gabuar.
Update (22:33) – Epic Games zyrtarizon luftën me Apple përmes një video nën sloganin #FreeFortnite
Në video shihet një personazh negativ në formën e një molle pak të ngrënë i cili urdhëron me zë të lartë. Nga ana tjetër personazhet e Fortnite ngrihen në protestë.
Update (14.08 / 12:32) Pas Apple, edhe Google heq Fortnite nga PlayStore.
Update (14.08 / 21:50) Epic Games ngre të njëjtat akuza në gjyq edhe ndaj Google.
Update (15.05 / 13:03) Bashkimi Evropian thekson se po investigon prej kohësh monopolizimin e tregut nga Google dhe Apple. Nisma e përforcuar së fundmi nga Epic Games, është ndërmarrë më parë nga Spotify mbështetur nga Match Group dhe Rakuten.
