Vitet e fundit dhe sidomos këto ditë karantine kanë treguar më së miri potencialin real të industrisë Gaming.
E mesa duket edhe Amazon e dashka një copë nga torta pasi lajme kemi sa i përket lojrave origjinale, Twitch dhe madje edhe platformës që do të konkurojë Google Stadia.
Në një interviste me New York Times ekzekutivët e Amazon kanë folur më në detaje për planet e mëtejshme të kompanisë për të përfshirë edhe më shumë njerëz në një platformë e cila mbulon pothuaj gjithçka.
Cruciable dhe New World janë dy titujt origjinalë të lajmëruar që në 2016. E para do të lançohej këtë Mars por nëse nuk e ke marrë vesh Covid-19 po ia vështirëson punët kujtdo.
New World është një lojë online multiplayer e cila së bashku me Cruciable pritet të dalin gjatë Prillit.
E ndërsa zërat vazhdojnë flasin për një tjetër lojë bazuar në Lord of The Rings, më në fund kemi dhe emrin me të cilin po i referohet vetë kompania platformës së tyre gaming: Project Tempo. Nëse gjithçka shkon mirë versionin e parë të saj mund ta shohim në fund të 2020.
Dhe së fundmi Amazon lajmëron se Twitch do të ketë përditësime të reja të cilat do të mund të jejojnë edhe vetë shikuesit të përfshihen në aksion.
Pavarsisht Covid-19, duket se edhe ky do të jetë një vit i mirë për Jeff Bezos.
—
Geek Room ju sugjeron të shihni:
