Ndërsa presim akoma eventet lançuese të dy konsoleve më të nxehta të momentit mund të merremi me lojrat. PS5 akoma po fsheh shumë gjëra, Xbox Series X nga ana tjetër nuk po mban asgjë.
Shumë tituj presim të shpallen, por le të flasim për ata që deri tani të paktën janë konfirmuar si pjesë e platformës.
Halo Infinite
Nuk dihet shumë për të akoma, ama flitet për një version Open World dhe Master Chief vazhdon të jetë protagonist. 343 Industries po përdorin motorrin e ri Slipspace ndaj loja duket e mahnitshme.
Senua’s Saga: Hellblade II
Surprizë për të gjithë pasi në lojën paraardhëse Senua pati një fund krejt të qartë, por traileri i ri i cili ndër të tjera na kalli të gjithëve datën, e rikthen edhe një herë në vëmendje. Nuk ka datë të qartë lançimi.
Cyberpunk 2077
Loja me më shumë pritshmëri e dekadës, e krijuar nga të njëjtit zhvillues të Witcher 3, një RPG që zhvillohet në të ardhmen, me pjesmarrjen e jashtëzakonshme të Keanu Reevs.
Assassin’s Creed Valhalla
Vetëm pak ditë pas daljes së trailerit dhe akoma nuk jemi qetësuar nga ethet vikinge.
Eivor në sulm drejt Anglisë, sopata dhe anije.
Për një studim më të hollësishëm klick këtu.
Watch Dogs Legion
Nga traileri loja duket në të njejtën filozofi si 2 të parat, hacking, parkour, shooting në një openworld plot me korporata të këqija.
Rainbow Six Quarantine
Një fjalë më se e dëgjuar këto kohë, karantina e kësaj radhe nga Tom Clancy vë përballë protagonistëve tanë një formë të re aliene e cila infekton njerëzimin. Shumë më tepër sci-fi por thelbi i lojës mbetet strategjia dhe bashkëpunimi.
Outriders
Shooter games vazhdojnë të mbeten ndër më të famshmet. Një ekip që niset për të gjetur një shtëpi tjetër për njerëzimin, por askujt nuk ia merrte mendja që do ti priste krejt e kundërta. People Can Fly më përpara kanë zhvilluar Gears of War 2, 3 dhe Judgement ndaj CV e tyre premton goxha.
Dying Light 2
Parkour dhe zombie, kaq mjafton për të na e marrë vëmendjen të gjithëve. Ndërsa ka plot materiale nga gameplay, vetë loja ka nevojë për disa rregullime teknike çka ka bërë që të vonojë.
WRC 9
Fansat e lojave me gara gëzoni pasi emocioni i veçantë i FIA World Rally Championship do të mishërohet nën titullin WRC 9. Pamjet fillestare të lojës tregojnë një pistë të re në Zelandën e Re më tepër nuk dihet pasi loja është akoma në test.
