Ndërsa Sony akoma nuk ka konfirmuar asnjë detaj zyrtar rreth PlayStation 5, Microsoft tregon më në fund muskujt duke publikuar zyrtarisht fuqinë e Xbox Series X dhe na lejo të të themi që: WOOW, thjesht WOW.
Microsoft ka publikuar një foto me dimensionet e sakta (e gjen në fund), por në vend që të hallakatemi duke i ngulur sytë një tabele, le të merremi me çfarë ka rëndësi më shumë.
CPU
Xbox Series X ka një CPU AMD e cila përdor arkitekturën Zen 2, çka do të thotë, një processor 7 nm i cili mund të mbajë 15 trilion transistorë në një çip me përmasa të njëjta me paraardhësin.
8 bërthama, apo cores të cilat bashkëveprojnë me shpejtësi goxha të lartë për një console. Zhvilluesit e lojrave do të kenë mundësi shpejtësie 3.8 GHz me hyperthreading off dhe 3.6 GHz me hyperthreading on.
Hyperthreading i lejon CPU-së të marri të dhëna nga dy korsi, mendoje core si një gojë dhe thread janë duart, ndërkohë që njëra dorë e ushqen, tjetra bën gati kafshatën tjetër.
Hyperthreading, ndryshe nga PC gaming, nuk është proçes i cili përdoret akoma në video lojrat e console, ndaj edhe do të duhet kohë derisa të prodhohen tituj të tillë. Çka do të thotë se Series X planifikon të jetë vërdallë për goxha kohe!
Storage
1TB custom NVME SSD.
SSD sigurisht është memorie dixhitale e cila nuk ka nevojë për hard disqe që të rrotullohen, çka e bën më të shpejtë.
NVME (non-volatile memory express) është një lloj i ri SSD i cili është shumë më i shpejtë se SATA i mirëpërdorur tashmë.
SATA 3 transferon rreth 550MB në sekondë NVME mund të arrijë deri në 3,500MB në sekondë.
Në fjalë të thjeshta, loading dhe data streaming shumë herë më të shpejtë.
Dhe sa i përket lojrave të Xbox One, 360 apo Xbox i parë të cilat deri tani kanë qënë të aksesueshme nga njëra console tek tjetra, edhe këtu mundesh, mjafton të lidhësh HDD e jashtëm me anë të portës USB 3.2 dhe shpejtësia edhe këtu nuk do të mungojë. Gjithashtu nëse 1 TB nuk të mjaftojnë do të kesh edhe një portë të jashtme posaçërisht për këtë lloj drive.
GPU
12 teraflops fuqi me 52 njësi me shpejtësi 1.825 GHz.
E rëndësishme është të kuptohet se kjo GPU bazohet në arkitekturën RDNA 2 të AMD-së, të cilat kompania akoma nuk i ka prezantuar zyrtarisht, por duhet ditur që janë pafund të fuqishme dhe efikase. Raporti i tyre performancë-për-watt është ndër gjërat më impresionuese.
Detaje të cilat e bëjnë Series X të jetë e hapur edhe ndaj përmirësimeve personale, çka do të thotë përveç faktit që Series X synon të mbijetojë për goxha gjatë, gjithashtu ia ka vënë syrin edhe PC gaming.
UPDATE: Sony ka konfirmuar se do të prezantojë PlayStation 5 ditën e mërkurë në 17:00 – Geek Room është gati! Po ti?
Tomorrow at 9am Pacific Time, PS5 lead system architect Mark Cerny will provide a deep dive into PS5’s system architecture, and how it will shape the future of games.
Watch tomorrow at PlayStation Blog: https://t.co/bgP1rXMeC8 pic.twitter.com/BSYX9tOYhE
— PlayStation (@PlayStation) March 17, 2020
