Vince McMahon, drejtuesi i World Wrestling Entertainment ka pranuar që të bashkohet me UFC për të krijuar një kompani të re të kontrolluar nga Endeavor Group.
Endeavor do të ketë 51% të aksioneve në kompaninë e re të argëtimit, ndërkohë që aksionerët e WWE do të kenë pjesën e mbetur si pjesë e marrëveshjes. WWE vlerësohet me shifrën $9.3 miliardë, ndërsa UFC (që është nën pronësinë e Endeavor) vlerësohet $12.1 miliardë.
Ari Emanuel do të jetë CEO i Endeavor dhe kompanisë së re. Dana White do të vazhdojë punën e tij si president i UFC, ndërsa në WWE president do të mbetet CEO Nick Khan.
“Kjo do të jetë UFC 2.0.” tha Emanuel në një intervistë për CNBC. Bordi i kompanisë do të përbëhet nga 11 persona, 6 të caktuar nga Endeavor dhe 5 nga WWE. Emri i kompanisë së re nuk është bërë ende publik, por pritet që të prezantohet disa javë më vonë. Aksionet e kompanisë do të tregtohen në Neë Year Stock Exchange nën simbolin TKO.
Dhe pse ekziston një diferencë e madhe mes dy organizatave (njëra merret me përballjet e inskenuara më parë, ndërsa tjetra shfaq brutalitetin e sportit), përmbajtjet dhe kultura e sportit është e njejta. Disa prej pjesëmarrësve në UFC si Ronda Rousey apo Brock Lesnar janë bërë pjesë e WWE.
