Shpesh herë ne mendojmë se njerëzit janë gënjeshtarë kompulsivë, mirëpo sipas studimit të fundit u zbulua se njerëzit janë më të sinqertë se sa ç’mendohej.
Studiuesit në Alabama ekzaminuan më tepër se 100,000 gënjeshtra që u treguan nga 632 pjesëmarrës përgjatë 91 ditësh. Ato zbuluan se vetëm 1% e njerëzve tregonin rregullisht më tepër se 15 gënjeshtra në ditë, ku shumica prej tyre ishin gënjeshtra “të bardha”.
Në përgjithësi, shumica e gënjeshtrave u thanë vetëm nga disa “gënjeshtarë shumë aktivë”, ndërkohë që personat e tjerë tregonin shumë më pak gënjeshtra ose aspak gjatë një dite të caktuar.
Si një shembull, autorët e studimit e konsiderojnë Donald Trump si një person që “gënjen shumë më tepër se shumica e amerikanëve”. Ai regjistron deri në 9.9 gënjeshtra në ditë përgjatë periudhës që studimi po kryhej.
“Shumica e njerëzve janë të sinqertë, por gjenden dhe disa gënjeshtarë patologjikë.” tha autori dhe drejtuesi i këtij studimi, Timothy Levine. Përgjatë gjithë kësaj kohe është krijuar një përshtypje që njerëzit gënjejnë shumë, dhe se gënjeshtra është tepër e pranishme mes nesh.
Mirëpo numri mesatar i gënjeshtrave të thëna në ditë të grumbulluara nga ky studim nuk reflekton sjelljen e shumicës së njerëzve tha ekipi nga South Alabama.
632 studentët e marrë nën studim kishin si detyrë të plotësonin një formular ditor online, ku pyteshin se sa herë kishin gënjyer gjatë asaj dite. Një tjetër pikë e këtij studimi ishte renditja e numrit të “gënjeshtrave të bardha” që njerëzit thonin gjatë ditës.
Nga rezultatet e studimit u pa se 77% e pjesëmarrësve ishin tejet të sinqertë dhe tregonin 0-2 gënjeshtra në ditë. Pjesa e mbetur, 16% e pjesëmarrësve, thanë se tregonin më tepër se 5 gënjeshtra në ditë.
