Anija 400 metra e gjatë Ever Given ngeci prej disa ditësh në kanalin e Suezit, duke krijuar trafik dhe ngadalësuar tregtinë globale. Kjo ishte një situatë shumë e keqe ekonomike, por shumë komike në çdo aspekt tjetër, duke u bërë subjekt i memeve dhe shakave. Duhet sqaruar se para 5 orësh u konfirmua nga autoritetet se ky kanal u lirua.
Tani një web app i krijuar nga entuziasti i hartave Garret Dash Nelson i jep mundësinë përdoruesve të zhvendosin këtë anije masive në çdo vend të botës. Ju mund të klikoni një buton për të parë Ever Given sipas përmasave reale, nëse doni ta krahasoni atë me ndonjë stadium. Gjithashtu ju mund të zmadhoni, zvogëloni dhe rrotulloni anijen sipas dëshirës tuaj nëse doni të pengoni pishinën tuaj ose të gjithë oqeanin Paqësor. Ne e testuam vete këtë web app dhe pamë se madhësia e anijes është pothuajse sa gjithë shëtitorja e digës së liqenit, nga lulishtja e sheshit Skenderbej tek fillimi i Zogut të Parë ose sa 3 anije normale te ankoruara ne portin e Durresit.
Mirëpo Ever Given Ever Ywhere është pak i vështirë për t’u përdorur, pasi ju nuk mund të kërkoni me koordinata të sakta por duhet të lëvizni hartën për të gjetur vendin që preferoni. Sigurisht nëse ju jeni një njohës shumë i mirë i gjeografisë, atëherë do ta keni shumë të thjeshtë dhe do të kënaqeni për disa minuta duke penguar tregtinë globale.
