Ndërkohë që filmat si Gravity, Interstellar apo The Martian kanë shfaqur një pamje shumë realiste të udhëtimit ndërhapësinor dhe të ardhmes së mundshme, asnjë ekip xhirimi nuk ka arritur të xhirojë në hapësirë.
Pasi pilotoi një avion luftarak në Top Gun: Maverick dhe ngjiti ndërtesën më të lartë në botë duke zbritur nga një helikopter në Mission: Impossible, Cruise tashmë po përgatitet për të shkuar në hapësirë.
Fillimisht projekti u shfaq në 2020, ku regjizori Doug Luman dhe Tom Cruise do të bashkëpunonin për të realizuar këtë film. Më pas erdhi pandemia. Tashmë Liman dhe Cruise kanë diskutuar me Universal Studio rreth këtij projekti, që pritet ta dërgojë Cruise në hapësirë.
“Unë mendoj se Tom Cruise do të na çojë në hapësirë. Ky është plani.” tha drejtuesja e Universal, Donna Langley për BBC. Langley zbuloi se shumica e skenave të këtij filmi do të xhirohen në Tokë, megjithatë shpreson se Cruise do të jetë civili I parë që do të bëjë një ecje në International Space Station.
Kur Liman u pyet rreth raportimeve që tregonin se do të duhej një buxhet prej $200 milionë për realizmin e këtij filmi, ai tha se po punohet ende për të realizuar një plan final mbi buxhetin.
