Ditën e mërkurë, Tesla Shop Bot (një adresë në Twitter e cila ju njofton sa herë shfaqen produkte të reja në dyqanin online të Tesla) zbuloi se një limited edition Tesla Tequila kishte dalë në shitje në website, mirëpo kjo gjë nuk zgjati për shumë kohë.
Sigurisht, çmimi ishte $420, e cila përshtatet dhe me shakatë e mëparshme të Elon Musk se do të shndërronte Tesla në një kompani private me $420 për aksion. Çmimi original i Tesla Tequila, i cili u krijua fillimisht si një shaka për 1 prill por u shndërrua në një produkt të vërtetë në 2020, ishte $250.
Tesla Tequila Limited Edition Set
1617866-00-A
$420https://t.co/BtTnGxAYSr pic.twitter.com/UwR7GIFSOT— Tesla Shop Bot (@TeslaShopBot) April 20, 2022
Mirëpo shishja e shitur ditën e mërkurë ishte një version i limituar, që vinte së bashku me 2 gota servirje. Gjithashtu në website-in e Tesla lajmërohet se gjithsej janë prodhuar 420 Tesla Tequila të tilla, me një numër të gdhendur nga 1 në 420, duke bërë të mundur që shishet të trajtohen si objekte me vlerë koleksionimi.
Tekila është prodhuar nga Nosotros, dhe vjen në një paketim 750ml me shishen në formën e një vetëtime. “Kjo tekila 100% premium e vjetëruar ekskluzive me një numër të limituar është krijuar nga agave të marra nga relievet malore dhe fushore të ndryshme. Të vjetëruara në fuçi me dru lisi francez prej 15 vitesh, Tesla Tequila vjen me një aromë frutash të thata dhe vanilje të lehtë të balancuar me piper kanelle.” thuhet në website-in e Tesla.
