Me shumë mundësi në fëmijërinë tuaj ju keni dëgjuar për “rregullin e 5 sekondëshit”, një rregull që tregonte se nëse një ushqim bie në tokë dhe kapet brenda 5 sekondash mund të konsumohet sërish pa problem.
TikToker-i i njohur @HowDirtyIs ka vendosur të zgjidhë një herë e përgjithmonë debatin mbi saktësinë e këtij rregulli.
Studiuesi vendosi një pjatë Petri në një sipërfaqe për gjatësi të ndryshme kohore, duke filluar nga 0 sekonda në 1 minutë. Më pas mostrat u vendosën në frigorifer për t’u ftohur, derisa rezultatet të bëheshin të qarta. Pas kalimit të kohës së nevojshme, pjata Petri shfaqi qindra koloni bakteresh pas vetëm pesë sekondash ekspozim në sipërfaqen e tokës.
“5 sekonda ose 60, situata nuk është aq pozitive,” tha @HowDirtyIs. Origjina e vërtetë e rregullit të 5 sekondave është një mister. Disa njerëz besojnë se e ka origjinën nga sundimtari mongol dhe tiran Ghengis Khan, i cili kërkonte që njerëzit të hanin ushqime që binin në dysheme gjatë banketeve të tij.
Tiktoker-i zbuloi se dhe pas një rënieje të shkurtër (e konsideruar ‘0 sekonda’), pjata Petri u mbulua me qindra koloni bakteresh. “Duket sikur edhe 0 sekonda është një kohë shumë e gjatë për ndotjen e ushqimit,”.
Enët që ishin hedhur për 5-20 sekonda dukeshin shumë të ngjashme – por bakteret me të vërtetë filluan të shumoheshin më vonë. Pas 30 sekondash, në pjatë ishte rritur një koloni e madhe, të quajtur ‘djali i madh’ nga @HowDirtyIs.
Pas këtij testimi, shumë komentues treguan: ‘Nuk do të ha më kurrë ushqimin që bie në dysheme…‘ Megjithatë, shikuesit e tjerë nuk u penguan, duke përfshirë një që e quajti bakterin ‘shije ekstra’.
“Unë kam qenë duke bërë rregullin e 5 sekondave gjatë gjithë fëmijërisë sime dhe jam ende i shëndetshëm”, tha një përdorues.
