Frika se përdorimi i celularëve mund të rrisë rrezikun e zhvillimit të një tumori në tru është rritur me lançimin e rrjetit 5G. Smartphone-t emëtojnë valë radiofrekuence, të cilat nëse përthithen nga indet, mund të shkaktojnë nxehtësi dhe dëme.
Meqë smartphone-t mbahen pranë kokës, valët e radiofrekuencës futen disa centimetra në tru. Kjo gjë ka bërë që të ngrihen shqetësimet se përdoruesit e këtyre smartphone-ve të jenë të rrezikuar nga tumoret e trurit, dhe International Agency for Research on Cancer e ka klasifikuar radifrekuencën si “ndoshta kancerogjen”.
Ditën e sotme studiuesit nga Oxford Population Health dhe IARC kanë raportuar rezultatet e një studimi të madh në Mbretërinë e Bashkuar për të investiguar lidhjen midis përdorimit të smartphone-ve dhe zhvillimit të tumoreve.
Këta studiues përdorën të dhënat e grumbulluara nga një tjetër studim, ku kanë marrë pjesë ¼ e vajzave të lindura nga 1935 deri në 1950, dhe kanë plotësuar pyetësorë rreth përdorimit të celularëve në 2001 dhe në 2011. Më pas janë kontrolluar dhe të dhënat e tyre mjekësore të marra nga NHS.
Studimi zbuloi se deri në 2011, 75% e grave në moshat 60-64 përdornin një celular, ndërkohë që në moshat 75-79 celulari përdorej nga 50% e tyre. Përgjatë periudhës 14 vjeçare u zbulua se vetëm 0.42% e tyre kishin zhvilluar një tumor në tru. Nuk kishte asnjë diferencë midis rrezikut për zhvillimin e një tumori në tru midis personave që përdornin një celular apo jo. Gjithashtu tumoret ishin të përhapur në të dyja anët e trurit, dhe pse celularët zakonisht përdoren në anën e djathtë të trurit.
