Fëmijët nën 12 vjeç mund të jenë duke humbur ekuivalenten e 1 nate gjumë në javë për shkak të përdorimit të rrjeteve sociale, tregon studimi i ri. Pothuajse 70% e 60 fëmijëve nën 12 vjeç të intervistuar nga De Montfort University në Leicester, thanë se ato i përdorin rrejtet sociale për më tepër se 4 orë në ditë. 2/3 e tyre treguan se i përdornin rrjetet sociale 2 orë para se të shtriheshin në darkë.
Studimi zbuloi gjithashtu se 12.5% e fëmijëve në këtë studim po zgjoheshin gjatë natës për të shikuar nëse kishin ndonjë njoftim në smartphone-in e tyre.
Psikologu John Shaw, i cili drejtoi këtë studim, tha se fëmijët supozohet të flenë 9-11 orë në çdo natë, mirëpo personat që u intervistuan tregoni se flinin mesatarisht 8.7 orë në natë.
“Frika e humbjes së një njoftimi, që shkaktohet nga rrjetet sociale, po ndikon në mënyrë të drejtpërdrejtë në gjumin e tyre. Ato duan të dinë se çfarë po bëjnë miqtë e tyre dhe kjo dëshirë ekziston dhe në kohën kur nuk janë online.”
TikTok ishte aplikacioni më i përdorur nga fëmijët, me shkallë përdorimi 90%. Snapchat përdorej nga 84% e tyre, ndërkohë që vetëm gjysma e të intervistuarve përdorte Instagram.
