Ndërkohë që pandemia e fundit e COVID-19 besohet se erdhi nga kafshët, studiuesit tregojnë se pandemia e rradhës mund të vijë nga shkrirja e akullnajave në polet e jugut dhe veriut.
Ata kanë paralajmëruar se më tepër se 100,000 tonë mikrobe mund të lëshohen në ujërat që na rrethojnë pasi akullnajat po shkrihen. Sigurisht në gjithë këto tonë mikrobe përfshihen disa pozitive dhe negative, sipas ekipit të Aberystwyth University.
Në studimin e tyre, studiuesit ekzaminuan ujin e shkrirë në sipërfaqjen e 8 akullnanajve nga Evropa dhe Amerika e Veriut, si dhe në 2 vende në Groenlandë. Duke përdorur një model klimatik, ato arritën të përllogarisnin impaktin e rritjes së emëtimeve të gazeve në temperaturën e përgjithshme. Më pas studiuesit arritën në përfundimin se më tepër se 100,000 tonë mikrobe mund të lëshoheshin nga akullnajat dhe të futen në ujërat e lumenjve apo liqeneve.
Dr Tristam Irvine-Fynn nga Aberystwyth University tha: “Shkrirja e sipërfaqjeve të akullnajave aktivizon komunitetet mikrobiale që kontribuojnë në ciklin biogjeokimik, të cilët më pas do të ushqejnë ekosistemet e tjera, mirëpo këto komunitete mbeten ende të pakuptuar mirë.” I shqetësuar, ai tha se impakti i shkrirjes së mëtepërt të akullit mund të jetë tepër i rëndësishëm për shëndetin e njerëzve.
A mendoni dhe ju se pandemia tjetër mund të na vijë nga sasia e madhe e akullit që po shkrin çdo vit?
