Ditën e premte, Shtëpia e Bardhë lajmëroi se Steve Jobs, bashkë-themeluesi dhe ish-CEO i Apple, është nderuar pas vdekjes me çmimin Medal of Freedom nga presidenti Joe Biden.
Ky çmim është forma më e lartë e nderimit në SHBA që mund t’i jepet një personi civil, dhe zakonisht vetëm për “individët të cilët kanë dhënë kontribute për mirëqenien, vlerat dhe sigurinë e SHBA, paqen botërore ose perpjekje të tjera shoqërore, publike ose private”.
Jobs themeloi Apple në vitin 1976, dhe që atëherë kjo kompani është shndërruar në një ndër kompanitë më të mëdha në botë. Ai ndihmoi në lançimin e shumë produkteve teknologjike të cilat inspiruan një gjeneratë të tërë si Mac, iPod dhe iPhone. Ai vdiq në datën 5 tetor 2011.
Ndërkohë që ishte gjallë, Jobs e përshkruajti veten si “të zhgënjyer” me ish-presidentin e atëhershëm Obama në biografinë e Walter Isaacson. “Ai ka vështiërsi në drejtim pasi ai ngurron të ofendojë njerëzit ose t’i mërzisë ato. Unë nuk e kam patur asnjëherë këtë problem.”
Çmimi do të prezantohet në datën 7 korrik. Marrësit e çmimit Medla of Freedom të këtij viti do të përfshijnë dhe Simone Biles, Gabrielle Giffords, John McCain, Megan Rapinoe dhe Denzel Washington.
