Raportimet e fundit tregojnë se SpaceX ka paguar një stjuardesë $250,000 për t’u siguruar se ajo nuk do të flasë ose të padisë kompaninë pasi besohet se Elon Musk ekspozoi veten e tij dhe i propozoi kryerjen e marrëdhënieve seksuale. Menjëherë pas publikimit të këtyre raportimeve Elon publikoi një tweet duke i quajtur ato “absolutisht të pavërteta”.
Historia është bërë e ditur nga mikesha e stjuardesës që ishte pjesë e ekipit në fluturimet e korporatës. Stujardesa i tregoi mikeshës së saj se gjatë një fluturimi Musk i kërkoi asaj një masazh të plotë trupi në dhomën e tij (kjo nuk ishte e zakonshme), dhe SpaceX i kishte inkurajuar stjuardeshat të merrnin kurse për masazhim.
Gjatë masazhit, besohet se Musk hoqi peshqirin që mbulonte pjesën e poshtme të trupit të tij duke treguar pjesët e tij private dhe i ofroi stjuardesës një kalë (stjuardesa merrej me hipizëm) nëse ajo “mund të bënte më tepër”. Stjuardesa refuzoi të kryente marrëdhënie seksuale me Musk dhe ishte shumë e shqetësuar gjatë udhëtimit. Mikesha e saj tregoi gjithashtu se pas këtij incidenti, orët e saj të punës u shkurtuan si një formë hakmarrje.
Sipas Insider, stjuardesa bëri një ankesë në departamentin e burimeve njerëzore të SpaceX në 2018, ku tregonte se refuzimi i saj dëmtoi karrierën si stjuardesë. Kompania e dorëzoi këtë ankesë tek një ndërmjetësues, dhe më pas arritën një marrëveshje prej $250,000 ku e pengonin atë të fliste keq rreth Musk apo kompanive të tij.
