Hëna e plotë e gushtit do të vihet re ditën e dielë në darkë, dhe shumë njerëz do të bëjnë gati smartphone-t e tyre për të shkrepur një fotografi për ta postuar në Instagram.
Mirëpo për fat të keq Hëna është disi e vështirë për t’u kapur fotografi. Ne në Geek Room do t’ju tregojmë se si të përgatisni kameran e smartphone-it tuaj në mënyrë që përftioni kualitetin më të lartë në fotografi.
Një mundësi ëshë shkarkimi i një aplikacioni specifik si Nightcap Camera apo Astrocam për të shkrepur fotografi të Hënës, në vend të përdorimit të kameras së instaluar në iPhone ose Android-in tënd. Këto aplikacione rrisin ndjeshmërinë e kameras duke ju lejuar që të kapni foto në ambiente me pak ndriçim. Mirëpo kjo mënyrë mund të mos japë rezultatin maksimal që ju prisni.
Një tjetër mënyrë është përdorimi i kamerave telephoto ose zoom në smartphone-in tuaj (sidomos në smartphone-t me aftësi zmadhimi shumë të mëdha si Samsung Galaxy S21). Do t’ju nevojitet një tripod dhe të aktivizioni një vonesë prej 2 sekondash në shkrepjen e fotografisë pasi dridhja kur prekni ekranin mund të ulë kualitetin e pamjes.
Duhet të zgjidhni modalitetin Pro të kameras tuaj për të rregulluar vetë opsionet e dhëna. Mjafton të përdorni ISO 100 dhe aperture f8 për të përfituar pamjen më të mirë të Hënës.
