Edhe pasi kanë ngrënë një vakt të bollshëm, kur mezi lëvizin, shumë njerëz mund të gjejnë një “vend për ëmbëlsirën”. Tani shkencëtarët mund të kenë gjetur arsyen pse është kaq e vështirë t’i rezistosh një ëmbëlsire pas një vakti.
Një proces në tru, i cili na bën të ndihemi të ngopur pas ngrënies, na bën gjithashtu të uritur për sheqer, sugjeron një studim i kryer mbi minjtë. Minjtë hëngrën derisa u ngopën dhe nuk arrinin të hanin më kur ju ofrua një tjetër pjatë nga i njëjti ushqim, por ata hëngrën 6 herë më shumë kalori kur iu ofrua një ëmbëlsirë me sheqer, dhe në trurin e tyre ”u ndez” një zonë të quajtur talamus paraventrikular.
Njerëzit që merrnin një pije me sheqer pas ushqimit shfaqën të njëjtin aktivitet të trurit, duke përfshirë një grup qelizash të trurit të quajtur neurone POMC. Dr Henning Fenselau, autor i lartë i studimit nga Instituti Max Planck për Kërkimin e Metabolizmit, tha: “Ashtu si shumë njerëz, e kam të vështirë të them jo nëse ka një ëmbëlsirë me çokollatë dhe të ëmbël në dispozicion. “Mund të jetë shumë e vështirë t’i rezistosh dhe, nga një këndvështrim evolucionar, kjo ka kuptim pasi sheqeri ofron energji të shpejtë dhe është i vështirë për t’u gjetur në natyrë, kështu që truri ynë i shpellave është i programuar për ta marrë atë kur të mundemi.”
Minjve iu dhanë racionet e tyre të zakonshëm të ushqimit, që përmbanin vetëm 3% sheqer, për t’u ngopur për më shumë se 90 minuta. Pastaj atyre iu ofruan ose më shumë nga e njëjta, dhe disa racione të ëmbël të shijshëm, të cilët ishin 35% sheqer. Jo vetëm që minjtë hëngrën shumë më tepër nga ‘ëmbëlsirën’ e tyre, por në të njëjtën kohë neuronet e tyre POMC lëshuan endorfinë të ndjeshme të marra nga qelizat e tjera të trurit.
Edhe shikimi i një racioni me nivel të lartë sheqeri nxiti këtë aktivitet të trurit – sic mund të ndodhë në momentin që ju shikoni ëmbëlsirën që porosit miku juaj dhe në atë moment ndiheni të uritur. Dukej se minjtë kishin një ndjenjë shpërblyese rreth pudingut edhe para se ta shihnin atë – ngjashëm me tundimin për t’iu treguar një menu ëmbëlsire.
