Brenda disa minutash pas rrahjes së fundit të zemrës, mungesa e qarkullimit të gjakut të pasur me oksigjen dhe vlera ushqyese nxit disa reaksione kimike të cilat shkatërrojnë qelizat dhe organet e trupit të një gjallese.
Mirëpo studiuesit nga Yale School of Medicine në SHBA përdorën një teknologji të re që përdor një fluid të dizenjuar specifikisht për të mbrojtur qelizat. Kjo teknikë e re bëri të mundur që shkencëtarët të rikthenin qarkullimin e gjakut dhe funksione të tjera qelizore në derrat që kishin 7 orë që kishin ngordhur.
Këto zbulime janë tepër të rëndësishme pasi mund të futen në përdorim tek humanët, duke mbrojtur shëndetin e organeve gjatë ndërhyrjeve kirurgjikale dhe duke rritur mundësinë e dhurimit të organeve, sipas autorëve të këtij studimi.
“Të gjitha qelizat nuk vdesin menjëherë, pasi ndodhin shumë ngjarje të ndryshme. Është një proçes gjatë të cilit ti mund të ndërhysh, të ndalosh dhe të rikthesh disa funksione qelizore.” tha David Andrijevic, bashkë autor i studimit.
Në një derr nën anestezi, të trajtuar me OrganEx një orë pas vdekjes, u induktua një arrest kardiak. 6 orë pas trajtimit me OrganEx, shkencëtarët zbuluan se disa funksione kryesore qelizore ishin ende aktive në zona të ndryshme të trupit të derrit, duke përfshirë këtu zemrën, mëlçinë dhe veshkat.
“Ne ishim në gjendje të rikthenim qarkullimin e gjakut në trup, gjë që na mahniti!” thanë studiuesit.
