Një palë shapka Birkenstock të vjetra të përdorura nga ish CEO i Apple, Steve Jobs – i cili mbështeti idenë se ekzekutivët e lartë duhet të veshin të njejtën veshje dhe në shfaqjet publike – do të dalin në ankand.
Julien’s Auctions, kompania që do të mundësojë nxjerrjen në ankand të këtyre shapkave duke nisur nga dita e premte, pret që ato të shiten midis $60,000-$80,000. Ofertat për këto shapka do të nisin nga $15,000.
Shapkat e përdorura nga Jobs në vitet 1970 dhe 1980 u ruajtën nga Mark Sheff, kuzhinieri i Jobs i cili menaxhonte një nga pronat e ish-CEOs në Kaliforni. Ai tregon se i ka marrë këto shapka nga koshi në të cilin Steve Jobs i kishte hedhur.
“Këto shapka kanë qenë pjesë e disa shfaqjeve, duke përfshirë këty Slone del Mobile Milano në 2017, në zyrat e Birkenstocks në Gjermani, SHBA dhe në një muze historik në Shtutgart.” Shkruhet në përshkrimin e Julien’s Auctions.
Gjatë shfaqjes në zyrat e Birkenstock, ish gruaja e Steve Jobs, Chrisann Brennan, kishte mundësinë t’i shikonte, mbante dhe të fliste për këto shapka tepër të rëndësishme në paraqitjen publike të Jobs.
“Ajo u emocionua shumë kur arriti të shikonte dhe të mbante shapkat ikonike të Jobs pas 3 dekadash.” lexohet në intervistën e dhënë për Vogue.
