Kanë kaluar 3 vite që nga publikimi i sezonit të parë të Squid Game, i cili theu rekordet e shikueshmërisë brenda një periudhe shumë të shkurtër. Historia mjaft tërheqëse bëri që fansat të kërkonin me patjetër vazhdimin e këtij seriali me një sezon të dytë, dhe dëshira e tyre u plotësua më 26 dhjetor, kur u publikua sezoni i dytë i serialit në Netflix.
Nëse ju jeni ndër personat që e shikoni një sezon të plotë brenda një dite, kemi lajme të mira, pasi nuk do t’ju duhet të prisni shumë deri në prezantimin e sezonit të tretë për të zbuluar se çfarë do të ndodhë në këtë dramë.
Nëpërmjet një postimi në blogun Tudum, i cili është nën pronësinë e Netflix, njoftoi se drama koreano-jugore do të rikthehet vitin e ardhshëm për sezonin e tretë dhe të fundit.
Spoiler!
Ndaloni së lexuari nëse nuk e keni parë sezonin e parë të Squid Game!
Sezoni i parë përfundoi me fituesin Seong Gi-hun, i luajtur nga fituesi i Emmy Lee Jung-Jae, i cili la pasurinë e tij të sapogjetur për të shkatërruar këtë lojë një herë e mirë. Që atëherë, ne kemi mësuar në pamjet paraprake të fshehta dhe në trailerin e sezonit 2 se plani i Seong është të ribashkohet në kompeticionin vdekjeprurës dhe të bindë lojtarët të votojnë që lojërat të ndalen.
Me sa duket e keni gjetur se çfarë duhet të bëni gjatë pushimeve të fundvitit.
