Përdorues të ndryshëm të Netflix kanë nisur të ndjekin një serial të ri në platformë, dhe me sa duket kanë mbetur shumë të terrorizuar nga ai. Ky serial titullohet “Unknown: Killer Robots”.
“Mund të tregoj vetëm se ne krijuam dhe shpalosëm një gjysmëperëndi psikopatike drejt botës,” shkroi një ndjekës i serialit në Twitter, mbi potencialin “vdekjeprurës” të AI dhe garën ushtarake për krijimin e armëve më autonome të luftës.
Sipas fjalëve të një fansi, ekspozimi i Netflix është “magjepsës, që provokon mendimet e njerëzve dhe duket si një makth“.
Një organizatë jofitimprurëse e përkushtuar për të ndihmuar refugjatët e Talibanit dhe luftës në Afganistan, Afghans For A Better Tomorrow, e vlerësoi filmin si “një dokumentar novator që eksploron zhvillimin e robotëve AI në fushën e betejës“. Por ky grup nuk mund të mos mendonte mbi implikimet më të errëta të filmit. “Inteligjenca artificiale është sigurisht gati për të ndryshuar jetën tonë. Por, po kur përdoret në luftë, në vende si Afganistani apo Somalia?”
Edhe farmakologu britanik Sean Ekins, një ekspert në toksikologjinë kompjuterike të fuqizuar nga AI, i cili shfaqet në Killer Robots, tregon se nuk ka arritur të flejë që kur i tregoi regjisorëve përvojën e tij me AI.
“Ne i kërkuam AI që në vend që të largohej nga toksiciteti, të shkonte drejt saj, dhe AI përmes llogaritjeve të ndryshme arriti të gjeneronte me mijëra molekula, vetëm përmes shtypjes së një butoni.” tregoi Ekins. Gjithashtu, sistemi AI i fuqizuar vetëm nga një MacBook 5 vjeçar, arriti të gjeneronte më tepër se 40,000 ide për krijimin e armëve kimike të reja, shumë herë më vdekjeprurëse se armët ekzistuese.
