Edhe pse Nokia e ka patur tepër të vështirë të konkurrojë me lojtarë të mëdhenj si Ericsson dhe Huawei gjatë viteve të fundit në biznesin e infrastrukturës së rrjeteve, kompania finlandeze është ende një lojtar i rëndësishëm në treg.
Samsung gjithashtu ka një degë të vetin të Rrjetit të Qasjes në Radio (RAN), por është relativisht i vogël, me një pjesë të tregut të raportuar prej rreth 6.1% vitin e kaluar. Thashethemet e brendshme të industrisë tani kanë filluar të përhapen në internet, duke treguar dëshirën e Samsung për të blerë biznesin e infrastrukturës së Nokia-s për të forcuar pozicionet e veta të RAN.
Raportimet tregojnë se Samsung është e gatshme të paguajë deri në $10 miliardë për të përvetësuar këtë infrastrukturë. Nëse marrëveshja realizohet, Samsung do të bëhet efektivisht furnizuesi i dytë më i madh RAN në mbarë botën, me një pjesë të tregut prej 25.6%.
Samsung tashmë prodhon stacione 4G dhe 5G, çipa, pajisje bazë, radio, pra gjigandi korean nuk është pa aspak eksperiencë në këtë fushë. Ajo tashmë ka furnizuar operatorë në mbarë botën, duke përfshirë Telus Canada, O2 në Gjermani, Reliance Jio në Indi, KDDI dhe NTT DoCoMo në Japoni, Dish dhe Verizon në SHBA dhe Vodafone në MB.
