Squid Game është padyshim një ndër serialet më të famshëm që Netflix ka prodhuar, i cili në fare pak kohë u shndërrua në një hit të menjëhershëm. E gjithë kjo vëmendje që seriali tërhoqi u shndërrua në përfitime të mëdha për kompaninë, por jo vetëm.
HoYeon Jung, aktorja që luan personazhin me numër 067 në Squid Game, numëron sot mbi 21 milionë followers në Instagram, ndërkohë që para se të shfaqej ky serial kishte vetëm 410k. Ajo ka arritur të nënshkruajë gjithashtu disa kontrata me vlera mjaft të mëdha gjatë kësaj kohe.
Lee Jung-Jae, protagonisti i këtij seriali me numrin 456 besohet se ka përfituar rreth €1.9 milionë vetëm nga seriali, pothuajse €220,000 për episod. Aktori ishte mjaft i njohur në vendin e tij të lindjes (Korenë e Jugut), dhe tashmë falë këtij projekti ai njihet në të gjithë botën.
Dhe aktorët e tjerë në këtë serial, dhe pse nuk përfituan kaq shumë sa personat e lartpërmendur, kanë krijuar tashmë fanbase-in e tyre dhe mund të nisin kontaktimet me firmat e mëdha.
