Shpesh herë ajo që ne shohim në rrjetet sociale ndikon në zgjedhjet tona në jetën e përditshme. Në rastin e Bella Sabino, studente në Fordham University në New York, rrjeti social TikTok ka shtyrë atë drejt vaksinimit kundër COVID-19.
“Njerëzit në TikTok kanë filluar të bëjnë shaka, si përshembull krahasimi midis Johnson & Johnson, Pfizer dhe Moderna. Pfizer po konsiderohet si vaksina më “hot” prej tyre. Sigurisht dhe unë u vaksinova nga Pfizer” thotë ajo me shaka.
Pasi u vaksinua, ajo shpërndau në TikTok një video ku sinkronizonte lëvizjen e buzëve me audion mjaft të dëgjuar nga idrinkurmilkshake, e cila thotë se vetëm njerëzit “hot” marrin vaksinën Pfizer.
@idrinkurmilkshake PFIZER GANG ASSEMBLEEEE#covidvaccine
Njësoj si Pfizer Gang, personat që morën vaksinën Moderna e deklarojnë veten superior, pasi vetë këngëtari Dolly Parton dhuroi $1 miliardë për krijimin e saj. Vaksina Johnson & Jonson nuk është pritur shumë mirë nga të rinjtë për shkak të përqindjes më të ulët të efikasitetit, prandaj ka marrë nofkën “vaksina e Walmart”. Por jo të gjithë videot flasin për këtë rivalitet. Disa përdorues kanë krahasuar 3 vaksinat me 3 fraksionet në lojën Pokemon Go dhe me shtëpitë në Hogwarts nga seria Harry Potter.
@tootoffy MODERNA GANG RISE UP #vaccinecoronavirus #vaccinated #modernavaccine #modernagang
Me sa duket këto rivalitete janë fillimi i një trendi të ri në TikTok që lidhet me vaksinimin, të cilat reflektojnë dëshirën e madhe të të rinjve për t’u rikthyer në normalitet.
