Punonjësit e Apple rrallë herë flasin në media, sidomos për shkak të kulturës së kompanisë. Në Silicon Valley, Apple operon në një nivel të paparë të fshehtësisë, duke zgjidhur problemet e personelit dhe lançimin e produkteve me autoritet të plotë. Mundësia e punimit në këtë kompani shihet shpesh herë si një arritje e madhe në industrinë e teknologjisë.
Për shkak të gjithçkaje që përmendëm më lart, fakti se Antonio Garcia Martinez u punësua nga Apple nuk u prit mirë. Martinez, një ish-menaxher produktesh në Facebook, ka shkruajtur një libër ku tregonte të gjitha sekretet e Silicon Valley, me një ton të vrazhdë dhe nënçmues.
Pas ardhjes së tij në kompani disa punonjëse femra në kompani shfaqën publikisht shqetësimet e tyre në Twitter duke thënë “Ne jemi plotësisht të zhgënjyer nga vendimi për punësimin e Antonio Garcia Martinez.”. Më pas një grup punonjësish shkruan një letër ku kërkonin investigimin e këtij rasti. “Duke ditur historinë e deklaratave raciste dhe seksiste të Garcia Martinez ne jemi të shqetësuar se prezenca e tij do të sjellë një frymë negative në ambientin tonë të punës.” u shprehën ata.
Brenda disa orësh, kjo letër arriti të siguronte mbi 1,000 firma. Më pas gjatë asaj dite Garcia Martinez u pushua. Megjithatë zhurma e krijuar krijoi një bezdi të madhe tek punonjësit, pasi letra nuk ishte menduar të bëhej publike.
Me publikimin e letrës, duket se kultura e brendshme e vendit të punës në Apple po ndryshon.
