Pasi u mbikëqyr për herë të parë përplasja mes dy vrimave të zeza, e cila ishte rreth 10 miliardë herë më e shpejtë se mbikëqyrjet e mëparshme, ka vërtetuar saktësinë e teorisë së Albert Ajnshtajn.
Dy vrimat e zeza po orbitonin njëra tjetrën, duke zhdukur kështu valët gravitacionale ndërkohë që ato rrotulloheshin gjithnjë e më pranë njëra tjetrës. Megjithatë teoria e Ajnshtajnit mbi relativitetin tregon mënyrën se si vrimat e zeza ndikojnë në aksin e rrotullimit dhe të lëvizjes. Ajnshtajni parashikoi gjithashtu dhe valët gravitacionale në teorinë e tij gjatë 1916.
Gjatë kësaj mbikëqyrje u shikuan shenja ekstreme të lëkundjes në formë rrotulluese, si në videon e mëposhtme. Shpejtësia e kësaj lëkundje, e përllogaritur të jetë rreth 3 herë në sekondë, është një shembull i përllogaritjeve të bëra nga Ajnshtajn në teorinë e përgjithshme të relativitetit.
Kjo është hera e parë që parashikimi i Ajnshtajnit u pa në realitet nga shkencëtarët, të cilët e panë këtë lëvizje në vrimat e zeza.
Pasi vrimat e zeza u përplasën u prodhuan valëzime që u shpërndanë në të gjithë universin, duke krijuar valë gravitacionale me shpejtësi rrotullimi 3 herë në sekondë. “Është 10 miliardë herë më e shpejtë se ajo që u gjet nga përllogaritjet e mëparshme, kështu që është me të vërtetë ndër rastet më ekstreme të teorisë së Ajnshtajnit ku hapësira dhe koha deformohet dhe shtrembërohet në mënyra nga më të çuditshmet.” tha profesori Mark Hannam.
