Një ndër njerzit më të njohur të dekadës, nga ata të paktët të cilët mund t’i quajmë artist pa na u dridhur qerpiku.
Protesta e tij edhe në 2020 mbetet zëri i të shtypurve dhe të disfavorizuarve, stilin e të cilit e njohim tashmë me një të hedhur të syve pavarsisht se fytyrën nuk ia kemi parë kurrë.
Banksy ka postuar një video në Instagramin e tij me 9 milion ndjekës, ku për herë të parë shohim edhe vetë atë, edhe pse të maskuar.
Video fillon me një sekuencë filmike në një laptop, ku paraqitet proçesi i dizinfektimit të metrosë. Më pas protagonisti ynë shfaqet edhe vetë i mbuluar kokë e këmbë nga veshja mbrojtëse hazmat, dhe me bojën maskuar si aparat dizinfektues. Më pas shohim artistin teksa pikturon simbolin e tij tipik të miut, stilizuar tashmë me maskat mbrojtëse, dizifektantët dhe imazhe të virusit.
Padyshim një qëndrim ndaj debatit të momentit për të bërë maskën të detyrueshme apo jo.
Plani i fundit tregon një frazë të shkruar në mur: “I get lockdown,” (mund të më karantinojnë) e më pas dyert mbyllen për të thënë: “But I get up again” (por ngrihem sërisht).
Në sfond dëgjohet hiti i famshëm i 1997 “Tubthumping” me korin e famshëm “I get knocked down, but I get up again” (mund të më hedhin poshtë por unë ngrihem përsëri).
Ka shumë teori për identitetin e Banksyt, disa thonë se ai është lideri i grupit Massive Attack, ndërsa të tjerë hedhin hipotezën se në fakt ekziston një grup artistësh të cilët veprojnë nën çadrën e anonimitetit emri Banksy ju ofron.
Cilado qoftë e vërteta, vështirë ta mësojmë, misteri që rrethon këtë personazh e bën të jetë pikërisht ai që është.
Me rëndësi që zëra të tillë të vazhdojnë të ekzistojnë.
