Autoriteti i Aviacionit Civil në Mbretërinë e Bashkuar (CAA) ka publikuar të dhënat ku tregohet se cila kompani ajrore ka “grumbulluar” ankesat më të mëdha nga pasagjerët, dhe Wizz Air renditet qartësisht si linja ajrore me ankesat më të mëdha të cilat janë përshkallëzuar deri në skemën e zgjidhjes alternative të mosmarrëveshjeve (ADR schemes).
Përgjatë 3 mujorit të parë ka patur rreth 811 ankesa për 1 milionë pasagjerë. CAA tregoi se me përjashtim të Royal Brunei Airlines (555 për 1 milionë pasagjerë), kompanitë e tjera kishin shumë më pak ankesa nga pasagjerët.
Wizz ka marrë shumë ankesa për sa i përket kohës së nevojitur për të proçesuar deklaratat e pasagjerëve, dhe një numër shumë i madh padishë kanë treguar se pasagjerët e Wizz nuk janë dëmshpërblyer.
“CAA është treguar mjaft e qartë me Wizz duke i treguar se kjo është një mënyrë e papranueshme për trajtimin e pasagjerëve dhe se është e domosdoshme që problemet të zgjidhen menjëherë,” tha CAA ditën e djeshme.
Anna Bowles, drejtuese e politikave të klientëve në CAA shtoi: “Pasagjerët kanë çdo të drejtë që të problemet e tyre të zgjidhen në mënyrë të shpejtë dhe në mënyrë efiçiente, si dhe të trajtohen mirë nga linjat ajrore. Volumi i ankesave që ka ardhur nga ADR për kompaninë Wizz Air është shumë më i lartë se në kompanitë e tjera. Ky fenomen, së bashku me vonesat për sa i përket detyrimeve të pagesës dhe vendimeve gjyqësore të ndërmarra kundër Wizz Air, kanë shqetësuar shumë CAA.”
CAA tregoi se Wizz Air e kishte pranuar këtë situatë dhe “shprehu keqardhje” ndërkohë që tregoi se po punon për të identifikuar dhe përmbyllur të gjitha vendimet e gjykatave të qarkut.
